Hordhaca : Guddoomiyaha KULMIYE oo si Heer sare ah loogu soo dhaweeyay Magaalada Ceerigaabo.
———————————————————-

Shacabka Gobolka Sanaag ayaa si aan kala hadh lahayn u Soo dhaweeyey wefti uu hoggaaminayo Guddoomiyaha Xisbiga KULMIYE Md. Muuse Biixi Cabdi oo hawlo ku saabsan wacyigelinta qaadashada kaadhadhka codbixinta ku maraya gobollo bariga dalka ah.
Weftiga ayaa lagu soo dhaweeyay shaaricyada Magaalada Ceerigaabo iyadoo ugu dambayn guddoomiyaha Xisbiga KULMIYE iyo xubno ka mid ahaa Weftigi kala hadleen dadweynaha barxada hore ee Xarunta Xisbiga KULMIYE ee magaalada Ceerigaabo.