Maalmahanews.com
Guddoomiye Cirro Oo Saaka Berbera Galay, Qoyskii Uu Ka Dhintay Taliye Casayrna Rugtooda Ku Booqday
March 6, 2016 - Written by admin

Berbera (Maalmaha News):-Wefti uu hoggaaminaayo guddoomiyaha golaha Wakiilada Somaliland ahna hoggaamiyaha xisbiga mucaaradka ah ee WADDANI Md.Cabdiraxmaan M.Cabdillaahi (Cirro), ayaa saaka aroornimadii hore socdaal uu ku tagay magaalada Berbera, waxa uu tacsi tiiraanyo leh gaadhsiiyey qoyskii iyo qaraabaddii uu ka baxay Alle ha u naxariistee taliyahii Booliska ee qeybta Berbera Gaashaanle Cabdirisaaq Cayseyr oo ay eheladiisii ku sugan yihiin magaalada Berbera ee xarunta gobalka Saaxil.12803036_1710251839245264_980342836761067248_n

Ujeedka socdaalka guddoomiyaha oo kaliya ahayd gaadhsiinta tacsi tiiraanyo leh eheladdii iyo qaraabaddii uu ka baxay Marxuum Caseyr, ayaa Waxa socdaalkiisan ku wehelinaayey xoghayaha arrimaha bulshada xisbiga WADDANI Marwo Hinda Jaamac Gaani iyo sida oo kale xoghayaha golaha Wakiilada Somaliland Md.Cabdirisaaq Siciid Ayaanle.

12799286_1710251902578591_8880220347902953626_nGuddoomiyaha golaha Wakiilada Somaliland Md.Cabdiraxmaan M.Cabdillaahi (Cirro), oo warbaahinta la hadlay ka dib tacsidaasi, ayaa waxa uu yidhi:”Ujeedka safarkeygu waxa uu ahaa, in aanu ka soo qeyb-galno soona gaadhsiino tacsi tiiraanyo leh eheladdii iyo qaraabaddii uu ka baxay taliyahii qeybta Booliska ee gobalka Saaxil Cabdirisaaq Yuusuf Caseyr oo aanu marka hore lee nahay Illaahay godka ha u nuuriyo, naxariistiisii jannatul Fardowsana ha ka waraabiyo, qoyskii, qaraabaddii iyo dhammaanteenbana samir iyo iimaan innaga siiyo, waxaana aanu u nimi uun in aanu ehelka iyo qarankaba aanu kala soo qeyb-galno tacsidiisii oo ay odeyaashii aanu maanta halkan kula kulanay, u jeedo kalena u maanan iman oo aan ahayn in aan tacsidan soo gaadhsiino eheladiisii, waan markii labaad oo aan tacsiyadeynaayo Marxuumka.”

Maalmaha News/Hargeisa Office

info@maalmahanews.com

COMMENTS
Latest News