Maalmahanews.com
Shirkii Gollaha Wasiirada Xukumadda Siilaanyo Oo Abaaraha Dalka Ka Jira Lagaga Haddlay Iyo Go’aamo Lagu Farxo Oo Ka Soo Baxay+Sawiro
February 18, 2016 - Written by admin

Hargeisa-(Maalmaha News):-Kal-fadhigii 191aad ee golaha wasiirada xukuumadda siilaanyo ayaa maanta lagga dooday xaalada abaaraha ka taagan dalka iyadoo lagu meelmeriyey go’aamo kaalmoyin dhaqaale loogu ururinayo dadka iyo duunyada ay abaartu ku habsatay,waxaa sidaasi lagu faah-faahiyey warsaxaafadeed ka soo Baxay xurunta Madaxtooyada, kaas oo u dhignaa sidan.

WAR-SAXAAFADEED

Taariikh: 18/02/2016

Fadhigii 191aad ee Golaha Wasiirada Somaliland oo uu gudoominaayey Madaxweynaha Jamhuuriyadda Somaliland Mudane Axmed Maxamed Siilaanyo ayaa maanta oo khamiisa sidii caadada ahayd ku qabsoomay hoolka shirarka ee Madaxtooyada kulankaas oo lagu Ansixiyey in Laamaha Dawladda laga jaro qaadhaan lagu kaabo xaalada abaaraha ee dalka ka jira.

waxaana shirku xooga aad u saaray qodobka abaaraha oo wakhtigan taagan madaxweyne ku xigeenka Jamhuuriyadda Somaliland Mudane Cabdiraxmaan Cabdilaahi Ismaaciil (Saylici) ahna gudoomiyaha Guddida Abaaraha oo madaxweynaha shirka ku wehelinaayey, ayaa warbixin ka jeediyey shirkaas isagoo xusay in ay abaarihii sii baahayaan oo ay ku fidayaan dhul aanay hore u gaadhin oo horleh, hadii aan degdeg raxmaadka ilaahay inoogu imana ay arrintu sii adkaanayso, sidaasi awgeedna loo baahan yahay gurmad degdeg ah in loo galo waxka qabashada xaaladaa abaaraha, waxna loo gaadhsiin lahaa dadkaa iyo Duunyadaa tabaalaysan.

Madaxweyne ku xigeenku waxa kale oo uu sheegay in ay durba soo xeroodeen qaadhaan ka yimid shirkadaha ganacsiga ah ee wadanigaa qaarkood, halka kuwo kale oo shirkadaha ganacsiga ahna uu qaadhaankoodu jidka ku soo jiro dhawaana ay filayaan.

Falanqayn dheer iyo xog waran ku saabsan xaalada abaaraha ka dib waxa laysla qaatay go’aamadan qadhaan ururintaa oo ay golaha wasiiraduna cod gacantaag ah ku ansixiyeen.

  1. In Xubnaha Saddexda golle Qaran ee Dalka iyo Madaxda Hay’addaha Dawladda ee Madaxa banaan ay bixiyaan 20% Mushaharkooda oo loo kala qaybiyo labada bilood ee February iyo March 2016.
  2. In shaqaale weynaha Dawladda laga jaro 10% Mushaharkooda sidoo kalena loo qaybiyo labada bilood ee February iyo March 2016.
  3. Ciidamada kala duwan ee qaranka in laga jaro 5% Mushaharkooda loona qaybiyo labada bilood ee February iyo March 2016.

 

ALLAA MAHAD LEH

Cabdiraxmaan Sh. Cilmi Fahiye (Shamax)

Af-hayeenka Madaxtooyada

COMMENTS
Latest News